Sunday, October 9, 2016

Soltero sinaksak sa Tiwi, Albay, irido

TIWI, ALBAY October 9, 2016 (Bicol Standard) –Idinalagan sa ZMDH sa Tabaco City kasubangui si Jon Mark Simporios, a.k.a Jon, 25 anyos, soltero, kan siya saksakon nin dae nabistong persona sa baylehan, sa Brgy. Belen, digdi.



Sabi sa report kan puli, nangyari an krimen poco mas o menos alas 11:20 kasubangui, harane palitada kan barangay na ini, na igwang barayle.

An victima taga Sitio Arana, sa Brgy. Nagas, digdi.

Mientrastanto, maski dakul an mga tawo sa nasambit na barayle, dae tulos nin nabisto an persona kan suspechado.

Hasta sa sinusurat an baretang ini, an mga awtoridad nagpapadagos pa kan saindang pagtipon nin mga informasyon na pwedeng maging dalan para madakop an suspechado.

An victima pigbubulong ngonian sa Ziga Memorial Hospital, sa Tabaco City.

An motibo kan krimen dae sinambit sa report kan pulis.
Share:

Featured Post

16 anyos nag-suicide huli sa makuring pungaw

SORSOGON CITY (Bicol Standard)-- Tinapos na lugod kan 16 anyos na estudiante an saiyang buhay nin huli sa labi-labing problema sa pamilya n...