Soltero nagsaksak sa sadire, binawian buhay sa Camalig, Albay

CAMALIG, ALBAY October 8, 2016 (Bicol Standard) – Bako pang malinaw kun ano an sinasaray na problema ni Rommel Barotia y Muella, 42, soltero, taga Brgy. Taloto, kun tano ta nagdecidir siyang tapuson na an saiyang buhay, kasubagong alas 3:00 nin hapon, ngonian na aldaw.



Sabi kan imbestigador, naka recibe sindang apod sa telephono na nag informar kan incidenteng ini, kaya sinda nagdalagan sa sinambit na barangay para mag verificar.

Nadiscubre kan mga awtoridd na an victima nagsapo nin saksak sa saiyang daghan.

Kan kan pagabot kan mga imbestigador naheling pa nindang nakatusok an mararom na kutsilyo sa daghan kan victima.

An nakadiskubre kan incidente iyo suboot an saiyang ina.

Nareparo kan magurang na nagkakarigos nin dugo an saiyang aking si Rommel sa laog kan saindang toilet, kaya naghagad tulos sindang tabang sa mga pulis.

Mientrastanto, idinalagan tulos an victima sa Municipal Health Unit (MHU) kan banwaan na ini para malapatan nin bulong.

Alagad, ipig declarar na kan doctor na mayo na siya nin buhay.

Mantang sinusurat an baretang ini dae pa maaraman kun ano an makuring problema na nagtuklang ki Rommel para tapuson na niya an saiyang buhay.

Start typing and press Enter to search