Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Tuesday, October 25, 2016

Serye nin pambabadil sa Calabanga, 1 gadan kasoodma

CALABANGA, CSur October 25, 2016 (Bicol Standard) – Nagpapadagos pa an serye nin mga incidente nin baradilan sa banwaan na ini, an pinaka huri nangyari sa Zone 2 kan Brgy. Sibobo kasoodmang poco mas o menos alas 2:00 nin amay na pagka-aga.

An victima nabisto na iyo sinda Orly Meno y Dela Cruz (binawian nin buhay), asin si Bernard Bordado y Pacheco, pareyo residente kan Zone 7, Sitio Talacop, Manguiring, didi.

Base sa imbestigasyon, an duwang nasambit na persona papuli sa saindang harong, lunad kan motorsiklo na pigmamaneho ni Orly Meno y Dela Cruz.

Pag-abot ninda sa tungod kan waiting shed, na patukad na an tinampo sa Zone 2, sa Brgy. Sibobo, duwang mga dae nabistong mga lalaki na armado nin halipot na badil an pinaputokan si Meno na tinamaan nin bala sa saiyang lawas.

Nagsukamang si Meno, alagad an saiyang kasuno na si Bordado marikas na nakadulag asin nakasuno sa kasunodan nindang motorsiklo na pigmamaneho ni Jesse Eduardo.

Marikas na nagkutipas sinda parayo sa pinangyarihan kan incidente pasiring sa hepatura kan pulis para i-paisi an nangyari.

Sabi ni Bordado, mantang sinda marikas na nagdudulag, surunod na si mga nadangog nindang putok nin badil.

An incidente pig-iimbestigaran pa ngonian kan pulis para sa pwedeng makuang guiya tanganing mabisto an mga suspechado.

Mientrastanto, si Bordado idinalagan man guiraray sa Bicol Medical Center (BMC) para ipabulong.
Share:

Featured Post

Advantages and disadvantages of mother tongue-based education

Photo: Naga Smiles to the World by Shiela S. Ronquillo Del Gallego Central, Del Gallego District Since School Year (SY) 2012-2013,...