For immediate hiring

For immediate hiring

Sunday, October 2, 2016

No. 1 sa watchlist na rigaton nin shabu sa San Fernando, CSur, nadakop

SAN FERNANDO, Camarines Sur October 2, 2016 (Bicol Standard) –Si Rex Montanez y Nogpo, 30, an sinasabing No. 1 na persona na nasa watchlist kan pulis sa banwaan na ini, nadakop na sa sarong buy-bust operation, kasoodma.


Ginibo an buy-bust sa Brgy. Pamukid, poco mas o menos ala 1:30 nin hapon kan mga tawohan kan PNP digdi.

Si Montanez, haloy nang pigbabantayan kan mga awtoridad huli kan mayong huraw na pagbariwas nin droga.

Ini, apisar kan patanid kan mga awtoridad dapit sa maigot na kampanya kan gobierno konta sa bawal na bulong.

Idinagdag sa bareta na napabakalan ni Montanez nin shabu an sarong tawohan kan pulis na nag-sagin-sagin na parabakal nin droga, kaya siya nahulog sa kamot kan awtoridad.

Afuera kan shabu na nakua sa saiyang poder, nakomfiscar pa saiya an tulong pidasong P100 na cuarta na ginamit na paon pagbakal nin droga.

Yaon ngonian an suspechado sa kamot kan mga awtoridad para sangatan nin caso.

Sa barangay na ginibo an buy bust operation namumugtak an saro sa mga rehabilitation centers digdi sa Camarines Sur.
Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...