Thursday, October 13, 2016

Rigaton nin shabu sa Minalabac, pinosasan kan pulis

MINALABAC, Camarines Sur October 13, 2016 (Bicol Standard) – Tinoklo na kasubangui si Mark John Murillo y Belza alyas “Mak-Mak”, taga Zone 4, kan Brgy. Sagrada, na saro sa mga bantog na paratinda nin droga digdi.



Ipinahayag ni PCI Edgar F. Valencia, hefe kan pulis digdi, na dinakop ninda si Murillo pagkatapos na magpabakal ini nin shabu sa sarong ahente kan gobierno na nagsaguin-saguin na parabakal nin shabu.
Sa buy-bust operation, mismong si Murillo an nag-gawgaw kan kantidad P500 hale sa kamot kan police asset, karibay kan droga na saiyang binabakal.

Afuera kan buy-bust money, nakua sa poder ni Murillo an 3ng pidaso nin heat-sealed transparent plastic sachet na may laog nin maputing pulbos, na pig tutubodan na shabu asin 1ng transparent plastic memorary card box.

Ginibo an buy-bust operation poco mas o menos alas-9 nin banggui.

An mga evidenciang nakua saiya an dinara kan mga pulis para sa pagsangat nin kaso.
Base sa record kan pulis, labing 700 an mga drug surrenderers an hale sa banwaan na ini.
Mientrastanto nagluluwas sa intelligence report na aktibo pang maray hasta ngonian an mga paratinda nin droga sa banwaan na ini.

An pig-iimbentaryo ngonian kan mga awtoridad iyo si mga enot nang promisa na dae na sinda magamit nin droga na nagbabalik sa saindang maraot na bisyo.
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...