Tuesday, October 25, 2016

Retailer nin shabu, tiklo sa Bula

BULA, Camarines Sur October 25, 2016 (Bicol Standard) – Orog pang pinaisog an operasyon kan mga awtoridad sa nagkukuriyat nin shabu sa banwaan na ini, na nagresulta sa pagkadakop ki Adam Penales y Naveda, na taga Brgy. Palsong, digdi.


Susug sa police report, tinuklo kan mga awtoridad si Penales kasoodmang alas 11:00 nin aga, bunga kan buy-bust operation.

Nakua sa poder kan suspechado an sarong pidaso nin heat-sealed transparent plastic sachet na may laog nin pigtutubodan na shabu, asin an kantidad P500 na ginamit na buy-bust money sa sinambit na operasyon.

An suspechado haloy nang nasa listahan kan mga parabalidya kan ipigbabanwal na droga sa sinambit na barangay asin sa mga kataid na mga lugar.

Pagkatapos sana kan operasyon kan pulis, ibiniklad sa mga testigo si mga evidencia na nakua ninda ki Penales.

Pighahanda na ngonian an kaso kontra sa suspechado na pagbalga sa R.A. 9165 (Comprehensive Dangerous Drugs Act of 2002).
Share:

SPECIAL OFFER

SPECIAL OFFER

Featured Post

Sorsogon mayor, 2 others charged in Sandiganbayan

SORSOGON CITY 5/23/17 (Bicol Standard) -- Ombudsman Conchita Carpio-Morales has recommended the filing of criminal charges against Bu...