Wednesday, October 12, 2016

RD Buenafe: 400 na elihido asin opisyal kan gobierno,drug surrenderers

LEGAZPI CITY October 12, 2016 (Bicol Standard) – Sesenta y dos na an total na nagadan sa mayong hotahot na operasyon kan pulis contra sa mga imbuelto sa ilegal na droga sa Bicol.


Ini an sustancia kan mensahe ni PChief Supt Melvin Buenafe, kan PNP Bicol.

Sabi ni Buenaflor poon kan Julio 1 sagkod kasoodma Sept 11, 2016, labi nang 330,000 na mga harong an nabisita asin tinoktokan kan saindang mga tawohan.

Ini parte kan maisog na implementasyon kan Project Double Barrel, na programa kan Duterte administration.

Sa total na baseline figure na 8,079 na mga drug personalities sa pag poon kan implementasyon ka Double Barrel, 100% nang na-tokhang na ninda an mga drug personalities.

Igwa na nin total na 46,000 na drug personalities an nagsuko sa pulis.

Afuera sa sainda, igwa na man ngonian nin 600 na naarestar; asin 62 an nagadan sa saindang operasyon.

400 an mga empleado kan gobierno o mga elihidong opisyal.

Mientrastanto, idinagdag ni Buenafe na 400 nang mga oficial kan gobierno, mayoriya digdi mga elihidong offcial an kabale sa mga nagsuko sainda.

Ipigbandera pa niya sa annunciong ini na mag poon kan enot na mga panahon, ngonian sana nangyari na significante an resulta kan kampanya kontra sa droga asin iba pang clase nin krimen digdi sa Bicol.

Piglalaoman ninda na magpapadagos na magkakaigwa nin reforma.

An dapat magsunod digdi iyo an drug rehabilitation para sa mas magayon na resulta kan programang ini kontra sa droga.

Inako man niya na kadakul pang dapat guibohon orog na an pagpapusog kan  programang “Kasurog Kontra Droga,” na pig tatarabangan kan iba pang mga ka-partner na ahensya kan gobierno.

“Basta sa parte kan pulis, an samung guiya iyo an provision kan Sec 54 kan RA 9165, dapit sa voluntad na pakisumaro sa rehabilitation kan mga paragamit na kaini,” sabi pa ni Buenafe.
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...