Saturday, October 22, 2016

RAGAY: Lalaki, hinipaan sa dalan, binadil, gadan

RAGAY, CSur October 23, 2016 (Bicol Standard) – Napasa an payo ni Harizon Quibral y Lomerio, kan duwang beses tamaan nin bala hale sa badil kan mga suspechadong sinda Michael Bagangan asin dae nabistong tawo, kasubagong mag-omagahon sa Brgy. Cadiataan, digdi.



An mga imbestigador nagsabi na hinipaan sa dalan kan mga suspechado an victima, na kakalunad sa saiyang motorsiklo, poco mas o menos ala 1:30 nin amay kasubago.

Kasuno ni Quibral si Eniz Perez, na tinamaan man nin bala sa saiyang likod, asin ngonian pigbubulong sa Bicol Medical Center (BMC) sa Naga City.

Mientrastanto, tulos binawian nin buhay sa lugar na pinangyarihan kan krimen si Quibral huli sa duwang bala nin badil na tuminama sa saiyang payo.

Sabi kan mga nagdungaw kan bangkay kan victima, mayong posibilidad na mabuhay an victima huli ta napasa an saiyang bungo, sa kusog kan tama kan duwang bala.

Si Quibral asin Perez pareyong residente kan Brgy. Caditaan mientras na an suspechadong si Bagangan an taga Brgy. Samay.

An mga pulis nagsisisayat pa kan pangyayari.
Share:

Featured Post

NIA inaugurates P74-M pumping station in Camarines Sur

Ricefield in Bicol Bicol Standard file photo NAGA CITY (Bicol Standard) – No less than 1,728 farmers and their families in Camarines S...