Tuesday, October 11, 2016

Punong barangay na 'high value target' kan pulis, todas sa Daraga

DARAGA, Albay, October 11, 2016 (Bicol Standard) Tinamaan nin mga bala nin badil hale sa pinagsararong fuerza kan pulis si Romell Marticio, an punong barangay kan Inarado, sa banwaan na ini.



An incidente nangyari kasubagong alas 4:00 nin hapon, sabi sa despacho hale sa pulis.

Si Marticio pigcoconsiderar na “high value target”, sa kampanya kan gobierno contra sa illegal na droga.

Nakua sa poder ni Marticio an calibre .38 na revolver.

Nagpapadagos an imbestigasyon kan kasong ini hasta ngonian na pigsusurat an bareta.

Huli kan seguidong kampanya kan mga awtoridad contra sa droga, si Marticio iyo na an ika-63 na nagadan sa kamot kan mga awtoridad na nag-iimplementar kan ley.
Share:

SPECIAL OFFER

SPECIAL OFFER

Featured Post

DAET GARBAGE ISSUE | Sarion blames Ochoa; Ochoa to request for state audit of funds

Former Mayor Tito Sarion (left), incumbent Mayor Benito Ochoa (right) DAET, Camarines Norte—“The ball is now in the hands of the new ...