Sunday, October 2, 2016

Maestrong paratinda nin shabu, remate sa buy-bust

PLACER, Masbate, October 2, 2016 (Bicol Standard) – Sarong maestro, na nabisto sa pangaran na Jorick Aballe y Layos, 38 anyos, an nadakop kan mga tawohan kan pulis sa ginibong buy-bust operation kasoodma digdi.


Base sa sinambit na report, si Aballe rinamalan kan mga awtoridad sa Brgy. San Marcos, pagkatapos nin huro-halawig na pagmasid kan saiyang aktibidad na may koneksyon sa ilegal na droga.

An suspechado yaon sa drug watchlist digdi.

Si Aballe taga Brgy. Daanlungdod, sabi sa report.

Durante kan buy-bust operation nakua kan mga awtoridad an plastic sachet na may laog nin shabu asin an limang pidagong a P100 pesos sa saiyang poder.

An mga evidencia dinara kan mga miembros kan raiding team sa Placer MPS para sa magkakanigong disposisyon.
Share:

Featured Post

Cops pursue Cam Sur ambush suspects

NAGA CITY (Bicol Standard) – The Philippine National Police is conducting a continuous pursuit operation to apprehend the suspects in t...