Saturday, October 29, 2016

Parasira, binadil sa Sipocot

SIPOCOT, CSur October 29, 2016 (Bicol Standard)  Sarong parasira na nabistong si Jerome San Diego y Flores an binadil kasoodmang alas 5:30 nin hapon, sa Sitio Pangi, Brgy. Anib, digdi.



An suspechado sa nasambit na krimen iyo si Boboy Aquino, na nag-gamit nin dae pa aram na calibre nin badil.
Segun sa mga imbestigador, tinamaan an victima sa saiyang lawas, kaya idinalagan tulos siya sa Sipocot District Hospital, para ipabulong.

Alagad, sabi pa sa report, ibinalyo man guiraray an victima sa Bicol Medical Center (BMC) sa Naga City, huli sa makuring tama nin bala sa saiyang lawas.

Nagpapadagos pa sa pagtipon nin mga evidencia an mga awtoridad, para sa pag sangat kan magkakanigong reklamo contra ki Aquino.

An motibo kan krimen dae pa ibinuyagyag sa panahon na sinusurat an baretang ini.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...