Tuesday, October 25, 2016

Dealer nin shabu, suspek na parahabas baka, damulag, todas sa Pili

PILI, Camarines Sur October 25, 2016 (Bicol Standard) – Binawian na nin buhay kasoodmang ala 1:50 nin hapon si Pedro San Jose y Licu, kan siya nabadil kan pinagsararong grupo kan Philippine National Police (PNP) na hale sa banwaan kan Pamplona asin digdi.



Nagadan si San Jose sa ginibong Anti-Illegal Drugs Operation sa Brgy. Del Rosario.

Segun sa bareta, may pulis an nagpa-malo-malo na parabakal nin shabu an naka-transaksyon ni San Juan. Karibay kan droga an kantidad P500 na ginamit na paon kan mga awtoridad sa sinambit na barakalan.

An suspechado na mas bantog bansag na “Onglo”, 44 anyos, residente kan Sitio Boncao, Brgy. Curry, digdi.

Sabi kan imbestigador, pakatapos na maricibe ni “Onglo” su bayad na cuarta, nakarisa ini na mga awtoridad an saiyang naka-transaksyon.

Idinugang sa bareta na biglang nagbunot nin calibre .38ng revolver an suspechado kaya binadil siya kan mga pulis.

Nagadan an victima sa pinangyarihan kan buy-bust operation.

Afuera kan shabu na nakua, nakua kan mga pulis si calibre .38ng revolver na ginamit kan victima. Igwa ining kargang 4 na bala. Igwa pang nakuang tulong capsula nin bala hale sa calibre .9mm; asin an kantidad P500 na ginamit bilang buy bust money.

Mientrastanto, nagluluwas sa intelligence report hale sa pulis na si San Juan iyo si pighahanap nindang pinakapusikit na suspechado sa serye nin harabonan nin mga baka asin damulag sa mga pagtaraid na banwaan kan Pili.

Siya iyo suboot an pamayo kan San Jose Cattle Rustling Group na nagripol kan mga atamanan na hayop sa mga bukid na barangay kan Ocampo, asin sa banwaan na ini.

Nag laog na an team kan SOCO sa imbestigasyon kan nasambit na kaso.
Share:

SPECIAL OFFER

SPECIAL OFFER

Featured Post

PDIC takes over Goa bank

Rural Bank of Goa Photo: PDIC MANILA— The Monetary Board (MB) of the Bangko Sentral ng Pilipinas (BSP) prohibited Rural Bank of Goa (...