Saturday, October 8, 2016

Nagbilar sa gadan, ginaradan

NAGA CITY October 8, 2016 (Bicol Standard) –Nagpapadagos pa sa pagsiyasat an mga awtoridad sa kun anong rason ta ginadan an magtugang na sinda Roderic Jamito y Benesa, 30, soltero asin Luis Jamito y Benesa, 38, may agom, kasubagong alas 12:20 na mag-omagahon, sa Zone 4A, St. Claire, Urban Poor, Brgy. Concepcion Pequeña, digdi.



Segun ki SPO2 Toby Bongon, an parataram kan Naga City PNO, inaadalan kan mga imbestigador an gabos na angulo kan kaso, nin huli ta mayo pang nagbubutwang testigo sa sinambit na krimen.

An magtugang na Jamito nagkakawat nin cara y cruz sa pig bibilaran na gadan sa nasambit na lugar kan mangyari an incidente.

Sabi sa declarasyon kan ibang mga nagbibilar, basta  na sanang nakadangog sinda nin mga putok nin badil, asin naheling na igwang tama an magtugang na victima.

Dinara pa kuta sa hospital an magtugang na may tama nin bala, alagad ipig declarar na mayo nan in buhay.

Mientrastanto, nagluluwas sa imbestigasyon na rekesahon an bulsa kan pantalon ni Roderic Jamito, an saro sa mga nagadan, nakakua an mga pulis nin 2ng sachet nin pigtutubodan na shabu.

Yaon sa angulong ini nakaturohok an atensyon kan mga pulis, tanganing aramon kun may relasyon an droga sa saiyang pagka gadan.

Enot pa kaini, segun ki Bongon, igwa sinda nin record na si Roderic saro sa mga nagsuko sa mga awtoridad asin nag ako na imbuelto siya sa pag-gamit nin droga.

Hasta sa oras na sinusurat an baretang ini mayo pang establisidong evidencia na pwedeng makatukdo sa responsable sa pag gadan.

An mga victima pareyong residentes kan Zone 3, Brgy. Concepcion Pequeña, digdi.
Share:

SPECIAL OFFER

SPECIAL OFFER

Featured Post

Mayor Gaite to file MR

BAAO, Camarines Sur –“ I will not resist if the order of the Ombudsman is served upon me by the Department of Interior and Local Gove...