Thursday, October 27, 2016

Naga City PNP: Bakong bomba kundi ilawan, nakua sa Gate 2 kan UNC

NAGA CITY October 27, 2016 (Bicol Standard) – Pigkasiribotan na imbestigaran an suboot sarong pigsuponiran na Improvised Explosive Devise (IED) na naheling kan tulong pulis na kapot nin tulong mga aki, mantang nagkakarawat sa may Gate 2 kan University of Nueva Caceres (UNC) kan sarong aldaw (Octubre 24).


An mga pulis na nakaheling kan pig dudahan na IED iyo sinda PO2 Asinas, PO2 Calig asin PO1 Imperial, mientras na sinda regular na nag coconducir nin pag patroya sa nasambit na lugar.

An pig susupechahan na IED may labang seis pulgadas asin kabangang pulgada an diametro, na kun helingon garo talaga improvised na bomba.

Para malinawan an gabos, sa rekomendadyon ni PO2 Madrigal, dinara an saindang nakuang suboot IED sa Police Station 1.

Marikas na nag hagad sinda nin tabang sa EOD na iyong maypagkaintinde kaini.

Sa ginibong technical examination dapit sa suspechadong IED, nadiskubre na bako man ini bomba, kundi, laganan nin deodorant na may laog nin kapidasong yamit ta ginagamit bilang ilawan.

Piglinaw kan mga awtoridad na ginibo ninda an saindang trabaho para maseguro na bakong bomba saindang nakua.
Share:

SPECIAL OFFER

SPECIAL OFFER

Featured Post

DAET GARBAGE ISSUE | Sarion blames Ochoa; Ochoa to request for state audit of funds

Former Mayor Tito Sarion (left), incumbent Mayor Benito Ochoa (right) DAET, Camarines Norte—“The ball is now in the hands of the new ...