Thursday, October 6, 2016

Mister sinubsoban an harong huli sa hinanakit

PILI, Camarines Sur October 6, 2016 (Bicol Standard) -- Natuprod na entero an sarong harong sa Zone 12, sa Sitio Caboclodan, Brgy. San Jose, digdi kan subsoban ini kan kagsadire na nabistong si Joel Villa, 41 anyos, kan sarong banggui.


Nagluluwas sa imbestigasyon na inako ni Villar na malibong si saiyang pamayo huli sa dae ninda pagkaintindihan kan saiyang agom, na nagresulta tanganing mapamuransangan an pig-eestaran ninda.

An pagtubod ni Villar mayo man sanang serve an saindang residencia ta parate sindang nag-iiwal, kaya pinagmarhay niya na paraon na lugod an saindang pig-sisirongan na residencia.

Nangyari an incidente kasoodma sa Zone 12, sa Sitio Caboclodan, Brgy. San Jose, digdi.

Sabi kan mga nakamasid kan pangyayari nagpoon na mag-arabadab an kalayo poco mas o menos alas 11:00 nin banggui , kan Oktubre 4.

“Maraot an boot ni Joel sa pirme na sanang iriwal kan saiyang agom, kaya ini nangyari,” sabi kan sarong residente kan nasambit na lugar na dae na nagpasambit kan saiyang pangaran sa bareta.

Mientrastanto, nag-agap man guiraray an mga bombero digdi.

Alagad kan makaabot sinda sa lugar, natuprod nang entero an gabos nindang gamit sa residencia asin abo na sana an nawalat.

Afuera kan mga miembros kan Bureau of Fire Protection (BFP) nagtabang man an mga residentes kan nasambit na lugar sa pagsigbo kan kalayo.
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...