Sunday, October 2, 2016

Parakanta nakuryente sa karaoke, binawian buhay sa Minalabac

MINALABAC, Camarines Sur October 2, 2016 (Bicol Standard) –- Dae na madadangog sagkod pa man an magayon na tingog ni Luise Azuela y Doe, alyas Bok-Bok, taga Brgy. Quipayo, Calabanga, Camarines Sur huli sa nangyaring mamundong aksidente, sa sarong payag-payag, sa Brgy. Baliuag Viejo, digdi.



Susug sa imbestigasyon kan pulis, si Bok-bok, kaibahan an apat niyang barkada nagkaoroyon na magpalipas nin oras por medio nin irinoman na may bangot nin mga magayon na sonata.

Idinagdag sa report na alas 2:00 nin hapon, kan Sabado (September 30), mantang yaon si Bok-bok asin an 4 na iba pa sa Brgy. Baliuag Viejo,insistidong gayo siya na mag kanta sa videoke, para mas mapasiram an okasyon.

An victima iyo pa ngani an an asikaso sa pagsaksak kan linya kan micropono sa karaoke.

Sa atubangan nin masiram na estorya asin pulotan bigla na sanang nadangog kan saiyang mga pag-iriba an tataramon na “may ground.”

Nagsunod sa kurahaw ni Bokbok, iyo si saiyang pagbulagting hale sa saiyang kinakamugtakan.

Binuroligan siya kan saiyang mga natatarantang mga kaninoman pasiring sa Bascuna Medical Clinic sa banwaan kan Pili para sa marikas na atensyon medical.

Alagad, huli kan seryong kamugtakan ni Bok-Bok idinalagan siya sa Bicol Medical Center (BMC) sa Ciudad nin Naga para ipabulong.

Pag-abot sa BMC, an sabi kan doctor, mayo na siya nin buhay.
Share:

Featured Post

Tinambac aide runs away with Php3.4M bonus budget

TINAMBAC, Camarines Sur 11/15/17 (Bicol Standard) – At least 115 regular employees and 11 elected municipal officials of this town will be ...