Miembro kan POSDAC sa Masbate, dinakop huli sa droga

DIMASALANG, Masbate October 8, 2016 (Bicol Standard) – Pugol na ngonian kan mga pulis an persona ni Agapito Perez y Abejero , alyas “Pito," 34, may agom, asin miembro kan Provincial Operation for Socio-Economic Development Against Crimes (POSDAC) digdi.



Ipig serve saiya an Warrant of Arrest sa Brgy. Gaid, digdi, kan Octobre 4, 2016, alas 11:45 nin odto.

Si Perez nag-aatubang nin casong pagbalga sa RA 9165 (Comprehensive Dangerous Drugs Act of 2001) asin RA 10591.

An nag serve sa akusado kan Warrant of Arrest iyo an mga tawohan kan Dimasalang PNP, na pinamayohan ni PInsp. Aldrin A. Rosales, katuwang an Army asin iba pang mga awtoridad digdi.

An nasambit na Warrant of Arrest firmado ni Judge Teofilo B. Tambago, kan RTC Brancy 46, sa Masbate City, asin may fecha Septimebre 28, 2016.

An akusado, sabi sa report kan pulis kabala sa mga bagong mabisto nindang personalidad na imbuelto sa illegal na droga.

Bistado suboot si Perez na saro sa mga para tulak nin droga sa banwaan na ini.

Enot digdi, kan Agosto 14, nagsuko na siya sa pulis en connection kan kampanya kan pulis na inaapod na “Oplan Tokhang”

Start typing and press Enter to search