Thursday, October 27, 2016

Mga limos, hinabas nin 3ng menor de edad na mga sacristan

PILAR, Sorsogon October 27, 2016 (Bicol Standard) – Tulong mga menor de edad na nag-serve bilang mga sacristan sa simbahan an ipigreklamo nin pagsalakat sa Our Lady of the Pillar Church (Convent), na namumugtak sa Brgy. Binanuahan digdi.



Base sa record, an duwa digdi mga pa aktibo sa pagserve bilang sacristan, mantang an saro, bako nang aktibo ngonian.

An saindang mga pangaran tuyong dae na sasambiton sa baretang ini, huli ta sinda mga menor de edad pa.

Nagwas sa resulta kan imbestigasyon na an pinakagurang sa tulo, 17 anyos pa sana, taga Brgy. San Antonio, an ika duwa, 16 anyos, taga Brgy. Marifosque asin an ultimo, 12 anyos, taga Brgy. Banuyo, anas sa banwaan na ini.

Segun sa sumbong ni Jasper Ian Balisoro, na personal na driver ni Fr. Ronnie Dolosa, nadiskubre ninda na an kandado sa pigtuturogan na cuarto ni Padre Dolosa rinangka, kaya pig-usisa ninda kun igwang iba pang mga nawara.

Nabigla suboot sinda kan maheling na hinabas na entero si mga donasyon na namumugtak sa donations locker box na kantidad P30,000.

Huli kan pagkadiskubre kan incidente, nagdalagan tulos si Balisoro pasiring sa hepatura kan pulis para maghagad nin tabang.

Dae naghaloy, naarestar an 3ng menor de edad, asin nakua sa saindang poder si mga nawawara sa laog kan simbahan. Kabale sa mga na-recover kan mga pulis iyo an 12ng pidasong man laen-laen na clase nin llave, sarong pades nin elastic gloves asin si mga cash na ilinaog na sa paper bag na pugol kan mga suspechado.

Idinugang pa sa informasyon na poco mas o menos alas 4:20 nin hapon kan Oktubre 25, naheling ni Balisoro an tulong mga sacristan na nagluwas hale sa cuarto ni Padre Dolosa.

An tulong mga suspechado an ipigturnover sa oficina kan Department of Social Welfare and Development, para sa magkakanigong disposisyon.
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...