Saturday, October 29, 2016

May kasong frustrated murder, tinadtad nin bala sa Calabanga

CALABANGA, CSur October 29, 2016 (Bicol Standard) – Binawian nin buhay si Romeo Barrameda y Beron, 56 anyos na para oma na residente kan Sitio Labog, Brgy. Paolbo, digdi.



Nangyari an krimen kasoodmang alas 8:10 nin bangui, sa lugar na nasambit.

Ipinahayag kan mga imbestigador na an ginamit kan kriminal sa iyo an calibre .9mm.

Sabi pa sa report, pirang beses na pinutokan kan dae nabistong kriminal si Barrameda, na tinamaan nin nagkapirang bala sa man laen-laen na parte kan saiyang lawas.

Mientrastanto, idinagdag sa pareyong report na an victima pig bibistahan sa Branch 63 kan Regional Trial Court (RTC) sa Calabanga, Camarines Sur, sa kasong Frustrated Murder.

An nag sangat kan reklamo contra sa victima iyo si Romeo Agor y De Mesa, na saro sa mga pig-coconsidar kan mga pulis na “person of interest” sa casong ini.

Idinagdag kan mga imbestigador na pig rerepaso na ninda an mga pugol na evidencia, para determinaran an motibo sa pag gadan sa victima.

Nakakua an mga pulis nin 5ng capsula nin bala hale sa .9mm.

Ipig papadagos pa hasta ngonian an pag-siyasat kan mga pangyayari na nag-dangtol sa kagadanan ni Barrameda.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...