Thursday, October 20, 2016

May agom na babae, dakop mantang nagbabariwas nin shabu sa Daet

DAET, CNorte October 20, 2016 (Bicol Standard) – Pakatapos na magpabakal nin shabu sa nag-saguin-saguin na parabakal, dinakop si Helen Mago y Bordonada kan mga pulis, kasubagong alas 4:00 nin hapon sa P-1, Brgy. IV, digdi.



Segun sa mga miembros kan puli na naglansar kan buy-bust operation, halawig nang panahon pig susunod ninda an guira ni Mago, huli sa dae naghuhuraw na mga sumbong dapit sa saiyang illegal na mga aktibidad.

Natapos man guiraray an saiyang negosyo sa shabu kan madoholan niya nin sarong sachet kan ipig papangalad na droga an tawohan kan pulis na nag-saguin-saguin na parabakal.

Afuera kan shabu nakua pa sa saiyang poder an kantidad P500 na ginamit bilang paon na cuarta sa pagbakal kan illegal na droga.

Kasubagong hapon, dinara si Mago sa hepatura kan pulis para plantiaran nin caso.
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...