Wednesday, October 5, 2016

Maloto, kaldero, tangke nin LPG, hinabas sa harong sa Pili

PILI, Camarines Sur October 5, 2016 (Bicol Standard) –Maski an maluto na nasa laog kan caldero asin mismong an saindang sapnaan an linalay guiraray kan mga nagsalakat nin sarong residencia, sa Brgy. Sagurong, digdi.


Armado nin matarom na kutsilyo asin nakataklob an lalawgon nin bonnet, linaog nin duwang dae nabistong mga lalaki an residencia ni Jessie Soliman kasoodma, poco mas o menos alas 12:00 nin odto.

Sabi sa report kan pulis, nag-hikihik na naglaog sa kusina an mga suspechado.

Naabotan kan mga para salakat si Gina Sinaon y Lameceria, an katabang sa harong, dangan tinudok nin kutsilyo an saiyang likod.

Huli sa pagkataranta, nakabwelo an mga parahabas na mamili kan saindang mga kursunadang gamit asin cuarta.

Mientrastanto, sinabi sa bareta, mantang nakatutok an kutsilyong armas, fuersahan na kinabig asin ilinaog sa bulsa kan saro sa mga parahabas an kantidad P3,000.00 na cash.

An sunod na kinua iyo an mainit pang rice cooker na may laog nin sinapna na maloto, na pangodtohan kuta kasoodma.

An sunod na kinursunada iyo si tangke kan Petronas gas, na pinasan kan parahabas pasiring sa saindang pagdulag.

An incidente nangyari sa Zone 6, Sagurong, digdi.

Mantang sinusurat an baretang ini mayo pang informasyon kun sisay an mga parahabon.
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...