Wednesday, October 19, 2016

Mag-amigo, nag-inoman, nagsuntokan, natapos sa taragaan

LABO, Camarines Norte October 19, 2016 (Bicol Standard) –Nagpoon sa maogmang irinoman asin nagtapos sa taragaan.


Ini an nagunong informasyon kan mga imbestigador na nagsiyasat kan guinikanan kan krimen na nagresulta sa kagadanan ni Edgar Valenzuela y Doe, residente kan Purok I, Brgy Dumagmang digdi.

An victima suboot tinigbas sa walang parte kan saiyang liog ni Arnel Carilla y Amparado, na nag-eerok sa kapareyong barangay.

Gadan tulos an victima sa pinangyarihan kan krimen.

Mientrastanto, ipigreport sa Camarines Norte Police Provincial Office an bagay nin sarong barangay kagawad na may kaibang Brgy. Tanod. Bitbit kan mga official kan barangay an suspechado sa krimen.

Nagluluwas sa imbestigasyon na nagkaigwa ngona nin maogmang irinoman an victima asin an suspechado.

Dae naghaloy nagkaigwa sinda nin mainit na diskusyon, na nagresulta sa pagsuntokan kan duwa.

Mantang daog sa bugtian an suspechado, nagpuli ini sa saindang harong asin nagkua nin tabak na iyong ginamit sa pagtipas kan liog kan victima.

An sabi kan mga testigo haros maputol an liog kan victima kaya tulos siyang binawian nin buhay.

Pighahanda na kan mga awtoridad an pagsangat kan kaso kontra sa suspechado.
Share:

SPECIAL OFFER

SPECIAL OFFER

Featured Post

Mayor Gaite to file MR

BAAO, Camarines Sur –“ I will not resist if the order of the Ombudsman is served upon me by the Department of Interior and Local Gove...