Wednesday, October 19, 2016

Typhoon signal # 5 ibinandera sa Cagayan, Isabela ngonian

QUEZON CITY October 19, 2016 (Bicol Standard) –- Ipigbandera na kan PAGASA an senyal numero 5 sa Cagayan asin Isabela na iyong aagihan kan Supertyphoon Lawin.


Sabi kan PAGASA, orog pa ining nagkusog, asin ngonian igwa na nin center winds na nag-aabot sa 225 kph asin sa luwas na parte kan mata, 315 kph.

Medyo nagluya an hiro ni Lawin, asin ngonian nag aabot na sanang 24 kph, pasiring sa direksyon kan west northwest.

Matugpa an bagyo sa kadagatan atyan, sa pag-oltanan kan alas 11:00 nin bangui hasta alas 2:00 nin mag-omagahon sa Cagayan-Isabela area.

Ultimong nasirip kan PAGASA an bagyo sa distansiyang 300 km sa sirangan kan Casiguran, Aurora.
Orog pang naghiwas an langilang kan bagyo na nag-aabot na ngonian sa 800 km na dayametro.

Ibinandera na an Typhoon Signal #4 sa Apayao, Kalinga, Ilocos Norte, Abra, Ilocos Sur, Mt. Province, Ifugao asin Calayan group of Islands.

Nasa signal # 3 an La Union, Benguet, Nueva Vizcaya, Quirino asin Northern Aurora.

Signal # 2 sa Batanes group of islands, Pangasinan, an ibang parte kan Aurora, Tarlac, Nueva Ecija, Northern Zambales, asin Northern Quezon, kabale an Polilio Islands.

Signal # 1 an Zambales, Bulacan, Bataan, Pampanga, Rizal, asin iba pang lugar sa Quezon Province, Cavite, Laguna, Batangas, Camarines Norte, Camarines Sur, Catanduanes, Albay asin Metro Manila.

Pwedeng mag-abot sa langkaw na 14 metros an langkaw kan alon sa mga lugar na nababanderahan kan signal # 4 asin 5 huli sa storm surge.

An gabos pigpatanidan na mag-ingat.
Share:

SPECIAL OFFER

SPECIAL OFFER

Featured Post

Chief Supt. Gardiola assumes as Bicol top cop

LEGAZPI CITY 7/10/17 (Bicol Standard)--Police Chief Supt. Antonio N. Gardiola has been installed as the Acting Regional Director of...