Thursday, October 20, 2016

Lalaki tinadtad nin bala sa Nabua, CSur

NABUA, CSur October 20, 2016 (Bicol Standard) – Saro pang residente kan banwaan na ini an binadil, gadan, nin duwang dae bistong tawo na may tahob nin bonet an lalawgon.



An mga imbestigador nagsabi na an pinakabagong nagadan iyo si Alfredo Masculino Jr., y Mediado, residente kan Zone 4 K-Kirangay, Sto. Domingo, digdi.

Sabi sa record kan pulis, duwang mga lalaki na may taklob nin bonet an pandok an nagpondo sa tungod kan residencia kan victima, dangan derechong naglaog sa laguerta kan saindang harong.

Mayo nin maski anong tataramon, basta na sana binadil nin pirang beses an victima na iyong naging rason tanganing siya mabuwal sa kinakamugtakan.

Idinagdag sa imbestigasyon na nagtadom asin nakalagbas an pirang bala sa lawas ni Masculino, na iyong naging causa kan saiyang kagadanan.

Hasta sa panahon na sinusurat an baretang ini, mayo pang linaw kun sisay an mga kriminal na nagsurong sa harong kan victima.

An mga pulis yaon pa sa saindang follow up investigation kan kasong ini.

Dinara an bangkay kan victima sa Beloro Funeral Homes para sa autopsy.
Share:

SPECIAL OFFER

SPECIAL OFFER

Featured Post

DAET GARBAGE ISSUE | Sarion blames Ochoa; Ochoa to request for state audit of funds

Former Mayor Tito Sarion (left), incumbent Mayor Benito Ochoa (right) DAET, Camarines Norte—“The ball is now in the hands of the new ...