Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Saturday, October 8, 2016

Lalaki tinadtad nin bala asin taga, gadan sa Sipocot

SIPOCOT, CSur October 8, 2016 (Bicol Standard) – Binayaan kan criminal na mayo na lamang nin esperanzang mabuhay si Jerry Amit, 35 anyos na trabahador, na residente kan Sitio Dagupan, South Villazar, sa banwaan na ini.



Nangyari an krimen kasoodmang poco mas o menos alas 7:00 nin bangui.

Segun sa report, nakuang saro nang malipot na bangkay an hawak ni Amit sa madoot na lugar sa Brgy. Calagbangan, digdi.

An victima nagsapo nin nagkapirang tama taga sa man laen-laen na parte kan saiyang hawak asin pira man na bala nin badil.

An mga harararom na lugad asin tama nin bala an naguing causa kan tulos niyang kagadanan sa lugar na pinangyarihan kan incidente.

Mantang sinusurat an baretang ini an mga imbestigador mayo pang nakukuang rason o motibo kan krimen.

An bangkay kan victima dinara sa Majar Funeral Homes, sa Brgy. Calagbangan, digdi para sa autopsy.
Share:

Featured Post

GENTLE BREEZE by Atty. Nelly F. Villafuerte | Seven is God's favorite number

Unbelievable but true… seven is God’s favorite number. The proof? The Holy Bible. Throughout the Bible (from Genesis to Revelation) ...