Thursday, October 13, 2016

Lalaki binadil sa Donsol, Sorsogon, gadan

DONSOL, Sorsogon October 13, 2016 (Bicol Standard) – Binadil si Marlon Patingo y Alim kasoodmang alas 12:30 nin hapon kan dae nabistong persona mantang naglalakaw pasiring sa Brgy. Orange, digdi, kaiba an saiyang barkada.


Base sa report kan pulis, an victima hinipaan kan paragadan na naka sulot nin bonnet sa may boundary kan Brgy. San Jose asin Brgy. Orange, digdi.

Dae nasagang kan victima o nalikayan an biglang pag-arak-asak kan mga bala hale sa dae maaraman na calibre nin badil, na kun saen an nagkapirang bala hale digdi an tuminadom sa saiyang lawas.

Nagadan tulos si Patingo sa lugar na pinangyarihan kan incidente.

Mientrastanto, marikas na nagdulag an kriminal pasiring sa dae maaraman na direksyon, mantang si saiyang kaibahan na barkada nagkutipas man parayo sa lugar na pinangyarihan kan krimen.

Hasta ngonian pig-iimbestigaran pa kan mga pulis an incidente.

Nakua kan mga pulis sa lugar kan krimen an walong baseyo nin bala asin sarong ilog nin bala hale sa dae pa aram na calibre nin badil.

An mga evidenciang natipon kan mga awtoridad an dinara sa Cime Laboratory para gamiton sa ballistic examination.

Hastang sinusurat an baretang ini dae pa aram an kriminal.
Share:

SPECIAL OFFER

SPECIAL OFFER

Featured Post

Chief Supt. Gardiola assumes as Bicol top cop

LEGAZPI CITY 7/10/17 (Bicol Standard)--Police Chief Supt. Antonio N. Gardiola has been installed as the Acting Regional Director of...