Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Wednesday, October 12, 2016

Lalaki, binadil nin punong barangay sa Masbate City

MASBATE CITY October 12, 2016 (Bicol Standard) –“Binadil ako ni Punong barangay Noriel G. Quintal kan Brgy. Pating digdi alagad maswerteng dae ako tinamaan.”


Ini an deklarasyon ni Marlon Perez y De La Cruz, residente kan Brgy. Centro, na ipinaabot sa hepatura kan pulis digdi.

Sa pagsiyasat, naaraman kan mga imbestigador na nangyari an krimen sa Ibanez Street, Brgy Pating, digdi, poco mas o menos alas 3:45 nin aga, kasoodma.

Sabi ni Perez dae niya aram an calibre kan badil na ginamit kan suspechado.

Segun pa sa bareta, maski dae tinamaan nin bala si Perez, an napurohan kan pinaputok na bala iyo an awto na sadire ni Arturo D. Real nan aka garahe sa lugar na pinangyarihan kan incidente.

An nadisgrasyang awto sarong Isuzu Crosswind na color abo (grey) asin may plate number na ZBS 387.

Huli sa sumbong ni Perez, dinakop kan mga awtoridad an si Quintal, asin pig-iimbestigaran ngonian sa Masbate City Police Station.

Nakua sa lugar na pinangyarihan kan incidente an capsula nin bala hale sa calibre 9 mm na pwedeng iyo si pinaputok kan suspechado.

An capsula kan bala dinara kan mga imbestigador para gagamiton na evidencia sa pag sangat nin caso.
Share:

Featured Post

Advantages and disadvantages of mother tongue-based education

Photo: Naga Smiles to the World by Shiela S. Ronquillo Del Gallego Central, Del Gallego District Since School Year (SY) 2012-2013,...