Wednesday, October 26, 2016

Lalaki arestado; nakuanan shabu, mga badil, bala sa Bato

BATO, Camarines Sur October 26, 2017 (Bicol Standard) – Pinosasan kan mga pulis si Jupiter Sadia y Lanuzga alyas “Peter” kan madiskubre kan mga awtoridad na igwa siyang sinasaray na droga, mga armas asin mga bala na mayong permiso sa gobierno.


Nangyari an bagay na ini kan i-serve kan mga pulis an Search Warrant sa residencia ni Sadia sa Brgy. Tres Reyes, poco mas o menos alas 5:30 nin aga, kasoodma (Octobre 25), digdi.

An Search Warrant firmado ni Judge Manuel M. Rosales, an Presiding Judge kan Branch 34 kan RTC, sa Iriga City.

Segun sa report, an mga evidenciang nakua sa residencia asin sa poder kan suspechado iyo an 2ng heat sealed transparent plastic sachet na may laog nin shabu; airgun rifle; calibre 22 na magnum revolver; 3ng pidasong tactical knives; mga bala para sa calibre .22; gunting; masking tape, asin iba pa.

An nasambit na mga evidencia dinara kan mga pulis sa saindang hepatura tanganing gamiton na evidencia sa pagsangat nin caso contra sa suspechado.

Si Sadia kakasohan nin pagbalga kan Comprehensive Dangerous Drugs Act of 2002 asin Illegal Possession of Firearms and Explosives.
Share:

SPECIAL OFFER

SPECIAL OFFER

Featured Post

Sorsogon mayor, 2 others charged in Sandiganbayan

SORSOGON CITY 5/23/17 (Bicol Standard) -- Ombudsman Conchita Carpio-Morales has recommended the filing of criminal charges against Bu...