Wednesday, October 19, 2016

Karibay ni Councilor Aytona sa Tabaco City, pig-aadalan pa

TABACO CITY October 19, 2016 (Bicol Standard) –Nagkapira sa mga ka partido ni Alkalde Krizel Lagman-Luistro an naghahalat kan anuncio kan magiging karibay sa Sangguniang Panlungsod digdi kan nagadan na si City Councilor Celso Aytona.


An mga nagbutwang pangaran na pwedeng makaribay ki Aytona hale sa mga naging ka-linyada niya sa naka-aging election lokal asin may iba pang mga personalidad na bako man dating mga politico.

Naenot na nag-gibsaw an pangaran ni dating City Concilor Celso Borjal na nagseserve ngonian bilang consultant sa oficina kan alkalde.

Afuera ki Borjal, igwa man nin mga nagbubusol ki Dan Buenconsejo na iyong nag-ika 11 kan naka aging pirilian.

An iba pang mga naglataw na mga pangaran na pwedeng makabale sa pagpilian iyo sinda Noel Ng asin si dating Bokal Glenda Bongao.

An magiging karibay ni Aytona irerekomendar ni Mayor Lagman-Luistro sa Liberal Party na iyo an may poder sa lindong kan ley na mag pili kan magiging karibay kan nagadan nindang miembro. (May report hale ki Susan Balane)
Share:

SPECIAL OFFER

SPECIAL OFFER

Featured Post

Mayor Gaite to file MR

BAAO, Camarines Sur –“ I will not resist if the order of the Ombudsman is served upon me by the Department of Interior and Local Gove...