Wednesday, October 5, 2016

GSW pinaluhod an LAC sa pre-season game sa NBA

SAN FRANCISCO – Pinakakan nin alpog kan Golden State Warriors (GSW) an Los Angeles Clippers (LAC) sa kawat ninda kasubago na ginibo sa Oracle Arena.

Source: Photo via www.nba.com

Si Klay Thompson nagkamada nin 30 puntos, mantang si Kevin Durant nag contribuir nin 21 puntos tanganing pasukamangon an LA Clippers sa kawat na nagtapos sa score na 120-75, sa pre-seson game.

Nag-uran nin three points hale sa mga sharp shooters kan GSW, tanganing maglamang sinda nin 20 puntos sa primerong quarter kan kawat.

Sa pagpoon kan 4th quarter an score 102-51, pabor sa GSW.

Pinakawat ni Coach Steve Kerr, nin tig 20 minutos sinda Curry, Durant, Draymond Green asin Thompson, antes sinda nagpahingalo.

Mientrastanto, tinawan nin makusogon na uropakan kan mga paradalan si Durant sa pagpoon pa sana kan kawat por medio kan saiyang 3 –point shot.

An duwang beses na MVP na si Steph Curry nagcontribuir nin 14 puntos. 
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...