Saturday, October 15, 2016

Dealer nin shabu na taga-Ocampo, nadakop sa buy-bust sa Naga City

NAGA CITY October 15, 2016 (Bicol Standard) – Maski sa tahaw kan makusog na uran, dae napugolan an mga pulis sa pagpaotob kan kampanya contra sa ilegal na droga digdi.



Poco mas o menos alas 2:30 ngonian na apon, an mga tawohan kan CIDG, asin pulis kan NCPO an naglansar nin buy-bust operation na nagresulta sa pagka dakop ki Hanipa Sangkupan y Eman, 36 anyos, taga Brgy. Poblacion, Ocampo, Camarines Sur.

Si Sangkupan haloy suboot na nagbabariwas nin shabu digdi.

Alagad, kasubago sana siya nahulog sa kamot kan mga pulis, kan magpabakal nin shabu sa sarong asset nag-saguin-saguin na parabakal.

Nakua sa saiyang poder an buy-bust money na kantidad P500, 6 na darakulang patos nin shabu, asin iba pang paraphernalia.

An mga evidencia na nakua kan mga pulis dinara sa hepatura para gamiton sa pagsangat nin kaso contra sa sinambit na persona.
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...