Monday, October 10, 2016

Brgy kapitan, binadil 8ng beses sa Donsol, Sorsogon

DONSOL, Sorsogon October 10, 2016 (Bicol Standard) –Pig-iimbestigaran na ngonian an incidente nin pambabadil na nangyari kasoodmang poco mas o menos alas 5:45 nin hapon sa Brgy. Tinagonan digdi.


An suspechado sa krimen iyo si Edgardo Magtibay a.k.a Edgar Garcia, mantang an victima iyo si Joel Ombao y Briones, an Punong barangay kan Tinagonan.

Base sa report kan police, an victima nag-tutukaw kasoodmang hapon sa atubangan kan Sari-Sari store na sadire ni Annie Habla.

Biglang nag abot an suspechado na may armas na badil, dangan pirang beses na pinaputokan an victima sa saiyang lawas.

Nakua kan mga imbestigador sa lugar kan krimen an 8 baseyo nin bala hale sa calibre .45 badil.

An victima nagadan mismo sa lugar na pinangyarihan.

Sabi pa sa report, an suspect dati nang nagsuko sa mga awtoridad digdi asin nag-ako na imbuelto siya sa pag gamit nin ipigbabawal na droga.

Tulos nagdulag an suspect pasiring sa dae madeterminaran na direksyon, dugang pa sa imbestigasyon.
Share:

SPECIAL OFFER

SPECIAL OFFER

Featured Post

Sorsogon mayor, 2 others charged in Sandiganbayan

SORSOGON CITY 5/23/17 (Bicol Standard) -- Ombudsman Conchita Carpio-Morales has recommended the filing of criminal charges against Bu...