Monday, October 3, 2016

2ng 'drug users,' binitbit kan kapitan sa hepatura kan pulis sa Bato, CSur

BATO , Camarines Sur October 2, 2016 (Bicol Standard) – Mismong si Punong Barangay Ruben Agiula y Repomanta asin an mga tanod kan kan barangay na ini an nagdakop asin nagdara kan sa hepatura kan pulis kan duwang personas na nasurpresa nindang naggagamit nin “shabu” sa sarong harong digdi.



Base sa record kan pulis, binitbit ni PB Aguila asin kan mga tanod sinda Rey Santos y Gonzales a.k.a “Andoy”,, 46 anyos, taga Zone 1, Brgy. Sta Cruz, asin Lourdes Solares y Ricafort a.lk.a. “Onding,” 19, na residente kan Zone 5, Brgy San Vicente pasiring sa Bato Municipal Police Station.

Idinagdag sa report na nakua sa mga suspechado an mga drug paraphernalia, arog kan 3ng aluminum foil strip, dae pa bukas na transparent plastic sachet; color orange na disposable ligheter; 2ng aluminum foil strip asin saro pang color green na lighter.

An sinambit na mga persona natagboan kan mga barangay officials sa laog kan harong hi Aileen Santor, sa sinambit na barangay poco mas o menos alas 10:30 nin banggui, kan Septiembre 30.

An mga evidencia kaibahan an duwang nadakop na suboot nag gagamit nin shabu an ipigturnover sa hepatura kan police para sa magkakanigong interrogasyon disposisyon.

Sabi sa bareta, iyo ini an primerong pangyayari sa banwaan na ini na an mismong mga officiales kan barangay iyo an nagtatabang sa pagdakop kan mga tawo na imbuelto sa pag gamit nin illegal na droga.
Share:

SPECIAL OFFER

SPECIAL OFFER

Featured Post

PDIC takes over Goa bank

Rural Bank of Goa Photo: PDIC MANILA— The Monetary Board (MB) of the Bangko Sentral ng Pilipinas (BSP) prohibited Rural Bank of Goa (...