Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Saturday, October 29, 2016

Babae, nabangga nin tricycle sa Tabaco City, gadan

TABACO CITY October 29, 2016 (Bicol Standard) –Pigdeclarar kan mga doctor sa Ziga Memorial District Hospital (ZMDH) na mayo nang buhay si Flor Borillo y Bola, na nabudalan nin motorized tricycle kasubagong alas 7:30 nin aga, sa P1, Brgy. San Antonio digdi.


Sabi sa imbestigasyon, si Borillo natupa kan tricycle na pigmamaneho ni Lejun Borilla y Reyes, na residente kan P1, Brgy. Tagas.

An naka aksidenteng vehiculo mayo nin plate number.

Mientrastanto, an victimang si Borillo, naaraman na taga San Roque, digdi.

Idinagdag sa report kan imbestigador na idinalagan pa man kuta kan driver kan nakabudal na motorized trisikle sa Ziga Memorial District Hospital an victima, alagad siya gadan na.

Mantang sinusurat an baretang ini, nagpapadagos pa an imbestigasyon.
Share:

Featured Post

Advantages and disadvantages of mother tongue-based education

Photo: Naga Smiles to the World by Shiela S. Ronquillo Del Gallego Central, Del Gallego District Since School Year (SY) 2012-2013,...