Thursday, October 6, 2016

An paratokdo


Ni Fr. Joey D. Gonzaga

Kun mayo nin paratokdo, mayo nin matibay, madonong, mamansay na tawo.

Kun siisay ka ngonian, yan nin huli kan mga nagtokdo saimo.

Mapagal an magtokdo kun bakong bulanos sa boot an pagtokdo.

An pagtokdo buhay sa mga paratokdo na mayong iniisip kundi an magtokdo dapit sa buhay asin pano mabuhay nin marahay.

Mayo nin mayaman na paratokdo. Alagad an saiyang kayamanan asin kaogmahan na mahiling an saiyang tinokdoan na marahay an naabtan.

Makulog sa boot nin sarong paratokdo na an mga adal na dapat rimposon asin isabuhay binabasang-basang.

An paratokdo puwedeng malingawan alagad an mga tinokdo na nagtadom sa puso magdadanay habang buhay.

Mabuhay an mga paratokdo na arog ko. Kun napasala man an tinokdoan, dai magkulog nin boot ta bako ka man an may kasalan.

Dai mawaran nin determinasyon asin pasensiya sa pagtokdo ta ika may pamana hale sa satuyang Dios Ama.
Share:

Featured Post

Duterte condoles with families of slain, wounded Bicol cops, soldiers

Bicol Standard photo NAGA CITY (Bicol Standard) – President Rodrigo Duterte led the awarding of medals to members of the police and arm...