Akusado sa pagsalakat sa Lagonoy, arestado

LAGONOY, Camarines Sur October 28, 2016 (Bicol Standard) – Yaon na sa poder kan pulis si Jodel Rosero y Grengia, residente kan Brgy. San Rafael, na nag-aatubang nin casong Robbery with Violence Against or Intimidation of Person.


An nasambit na asunto criminal bibistahan sa sala ni Judge Noel Paulete kan Regional Trial Court (RTC) branch 30, sa San Jose, Camarines Sur.

An akusado dinakop kan mga awtoridad sa bisa kan Warrant of Arrest na ipigserve sa saiya kan PNP sa pamamayo ni PSinsp. Andrew Alcomendas.

Si Rosero yaon sa listahan kan pulis na kabale sa mga mga suboot nag-gagamit nin droga.

An jusgado nag rekomendar nin kantidad P100,000.00 na fianza para sa saiyang temporaryong libertad.

Mantang sinusurat an baretang ini an akusado yaon pa sa detention cell kan pulis digdi.

Start typing and press Enter to search