Wednesday, October 5, 2016

# 5 sa drug watchlist sa Bicol nadakop sa Legazpi City

LEGAZPI CITY October 5, 2016 (Bicol Standard)  Nahulog na sa kamot kan mga pulis an pig coconsiderar na ika-5 sa mga pusikit na paratinda nin illegal na droga sa Bicol, na nabisto sa pangaran na Minsuary Cadayon, a.k.a “Minsoy."

Base sa spot report, si Cadayon tinuklo kan pinagsararong mga miembros kan Provincial Police Office (PPO), RSOG-5, 5RPSB asin mga pulis digdi.

Rinamalan an suspechadong si Cadayon sa saiyang pig-eestaran na harong sa Brgy. 34-Orosite, digdi.

Dinakop si Cadayon pagkatapos na gibohon kan mga awtoridad an implementasyon kan Search Warrant na firmado ni Judge Alben C. Rabe kan Branch 15 kan RTC, sa Tabaco City.

Nakua sa saiyang residencia an mga pigtutudodan na illegal na droga asin iba pang mga non-drug items, na yaon na ngonian sa poder kan mga pulis.

Pakatapos na mag-imbentaryo kan mga contrabando, sasangatan an suspechano nin caso sa pagbalga kan RA 9165, an Comprehensive Dangerous Drugs Act of 2002.
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...