Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Friday, October 28, 2016

3ng taga Nabua, binitbit kan pulis huli sa droga

NABUA, Camarines Sur October 28, 2016 (Bicol Standard) -- Mayong huraw an operasyon kan mga pulis digdi na nagresulta sa pagka arestar nin 3ng mga residentes na suboot imbuelto sa pagbariwas nin ilegal na droga.


Sabi sa report ni PInsp John Murray Cutaran, an hefe kan pulis digdi, sa tabang kan Provincial Police Office asin iba pang mga awtoridad, ipigserve ninda an Search Warrant, na nagresulta sa pag-apreherndir sa minasunod: Arlene Pardines-Lumami, 38, taga Brgy. Sta. Elena; Mario Alimagno, 50 anyos, taga Brgy. Lourdes Young; asin Jerome Ramboyong, 21, taga Sta. Elema, anas sa banwaan na ini.

An Search Warrant na firmado ni RTC Judge Manuel Rosales kan Branch 34, sa Iriga City, ipigserve sa residencia ni Pardines.

Nakua sa nasambit na residencia asin sa poder kan mga suspechado an 13ng sachets nin pigtutubodad shabu asin mga drug paraphernalia.

Sabi kan mga imbestigador, haloy nang pigsususog ninda an guira kan mga nasambit na persona huli kan saindang participasyon sa ilegal na mga aktibidad.

An mga inarestar na persona an dinara sa hepatura kan pulis tanganing sangatan nin magkakanigong caso sa pagbalga kan Comprenensive Dangerous Drugs Act of 2002.

An mga nakuang ilegal na droga asin iba pang drug paraphernalia iyo an gagamiton na evidencia sa pagsangat nin caso sa mga imbuelto digdi.

Ginibo an operasyon kan pulis kan Octobre 27, 2016, alas 12:15 nin amay na pagka-aga.
Share:

Featured Post

Advantages and disadvantages of mother tongue-based education

Photo: Naga Smiles to the World by Shiela S. Ronquillo Del Gallego Central, Del Gallego District Since School Year (SY) 2012-2013,...