Thursday, October 27, 2016

2ng lalaki, binadil sa Aroroy, Masbate

AROROY, Masbate October 27, 2016 (Bicol Standard) –Maswerte sanang dae nalagarto kan bala hale sa calibre .45 sinda Mario Salcedo y Bartolay, asin Wilmar Zaragoza y Salcedo, na pareyong residente kan Sitio Cambatang, Brgy. Jaboyoan digdi.



Sabi sa report , an duwa nag-iinoman sa laog kan sarong kiosk sa laog kan residencia ni Rolando Cortes kan bigla sindang badilon nin dae nabistong tawo.

Tinamaan si Salcedo sa saiyang siko mientras na si Zaragoza nagsapo nin tama kan bala sa saiyang duwang kamot.

Nangyari an krimen poco mas o menos alas 12:15 kan Martes na mag-omagahon.

Mientrastanto, base sa pahayag kan mga nakaheling kan pangyayari, an suspechado nakasulot nin kalo asin naka sweatshirt na bado.

Nakua sa pinangyarihan kan incidente an sarong ilog nin bala hale sa calibre .45, na ginamit kan suspechado.

Marikas na nagkutipas padulag an suspechado pakatapos sana nin sarong putok kan saiyang armas.

An mga victima idinalagan sa Aroroy Municipal Hospital tanganing ipabulong.

Hasta sa pigsusurat an baretang ini mayo nin malinaw na informasyon kun ano an motibo kan suspecho sa pagbadil sa mga victima.
Share:

SPECIAL OFFER

SPECIAL OFFER

Featured Post

PDIC takes over Goa bank

Rural Bank of Goa Photo: PDIC MANILA— The Monetary Board (MB) of the Bangko Sentral ng Pilipinas (BSP) prohibited Rural Bank of Goa (...