Thursday, October 20, 2016

1 sachet nin shabu, pambayad sa GRO sa Padamlagan Bar sa Pasacao

PASACAO, CSur October 20, 2016 (Bicol Standard) – Sarong lalaki na may pugol nin sarong sachet nin pigtutubodan na shabu an tinoklo kan mga awtoridad sa laog kan Padamlagan Videoke Bar sa Brgy. Sta Rosa Del Sur, digdi.



Segun sa imbestigasyon, an lalaki na nabisto sa pangaran na Rolando Callada y Lorenzo, 53, may agom, residente kan kapareyong barangay.

Base sa report kan mga awtoridad, nagsubol sinda nin mga pulis sa sinambit na lugar kan maka recibe nin sumbong na si Callada may ipig tatangrong sarong sachet kan ipig babawal na droga sa GRO kan bar, karibay kan halipot alagad mainit na paki iba sa laog kan aling-alingan na lugar.

Mientrastanto, bilang confirmasyon kan sumbong sainda, naabotan talaga kan mga awtoridad si Callada sa bar, asin kan kapkapan, nakua sa saiyang posisyon an sarong sachet nin shabu asin iba pang mga drug paraphernalia.
Nangyari an incidente ini kan Martes (Oct 18) poco mas o menos alas 8:30 nin bangui.

Huli kan pangyayari, dinara sa hepatura kan pulis si Callada tanganing imbestigaran asin sangatan nin magkakanigong kaso sa pagbalga kan ley dapit sa illegal na droga.

Pinatanidan kan mga awtoridad an gabos na dae pagbasang-basangon an kampanya kan gobierno laban sa illegal na droga, na mayo sindang sasantohon sa saindang mga operasyon.
Share:

SPECIAL OFFER

SPECIAL OFFER

Featured Post

Chief Supt. Gardiola assumes as Bicol top cop

LEGAZPI CITY 7/10/17 (Bicol Standard)--Police Chief Supt. Antonio N. Gardiola has been installed as the Acting Regional Director of...