Sunday, September 4, 2016

2ng lalaking armadong badil, hinoldup an rigaton nin sira sa Uson, Masbate

USON, MASBATE September 4, 2016 (Bicol Standard) –Duwang dae bistong mga lalaki an ipigtutukdo na iyong nagholdup ki Larry Casilao y Pekit-Pekit, para rigaton nin alang na sira, sa saiyang agom na si Sheryl Mamac-Casilao, asin ki Marcela Verdida-Remulta, kan sarong aldaw, ala 1:30 nin hapon.



Nangyari an incidente sa Brgy. Buenasuerte digdi.

Susug sa report kan pulis an mga victima nakalunad sa tricycle na Honda, na may plate No.3852, na sinda hinipaan kan mga suspechado na armado nin badil.

An mga victima nagdeclarar sa mga imbestigador na tinutukan sinda nin badil, dangan an saro kan mga suspechado an nag gabring kan shoulder bag ni Sheryl Mamac-Casilao, na may laog nin kantidad P8,000 na cash, sarong unit nin cellphone, asin 4 na notebook, na listahan kan mga pautang sa pagtinda.

Dinara pa kan mga suspechado si gabos na mga llave na yaon sa laog kan bag.

Mientrastanto, marikas na nagdurulag pasiring sa dae madeterminaran na direksyon an mga parahabas.

An pinangyarihan kan pangholdup carculadong 5ng kilometros sana an distancia paghale sa police station digdi.

Hastang pigsusurat an baretang ini, dae pa nabibisto an mga suspechado sa nasambit na krimen.
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...