Tuesday, September 6, 2016

Taga-Nabua, rinatrat nin 8ng armadong lalaki

IRIGA CITY, September 6, 2016--Sa liwanag kan nakakasuriaw na saldang, binadil kasubagong alas 10 nin aga si Roderick Talagtag pakatapos na mag-atendir nin bista kan saiyang kasong Frustrated Murder sa Regional Trial Court digdi.

Kua ni Maria Theresa Iraola
An victima, 31 anyos asin taga Santiago Young, Nabua, Camarines Sur.

Sa inisyal na report, nagluluwas na si Talagtag hinipaan nin dai mababa sa walong (8) armadong mga lalaki na may darang makukusog na kalibreng armas.

Sabi kan mga nakaheling, an nagbadil sa victima nakalunad sa motorsiklo asin igwa pang backup na iba pang lalaking nakamotorsiklo asin kotse.

Tadtad nin bala si Talagtag kan makua siya kan mga miembros kan SOCO na nagresponde sa incidente.

Huli kan marikas na pangyayari, mayo pang makapagsabi kun siirisay an mga imbuelto sa krimen na ini.

Binantayan kan mga paragadan si pagluwas kan victima hale sa RTC asin pag-abot sa Barangay San Isidro, duman siya pinaarak-asakan nin badil.

An mga imbestigador nagpapadagos pa kan pagsiyasat.

An mga miembros kan SOCO dinara an bangkay kan victima para sa dugang na imbestigasyon. (May report hale ki Maria Theresa Iraola)
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...