Thursday, September 22, 2016

'Sultan,' nadakop nagtitindang shabu sa Naga City

NAGA CITY September 22, 2016 (Bicol Standard) – Nagbalik pa guiraray sa pagtinda nin droga, alagad nadakop kasoodma si Jimmy Sultan y Gavino, taga Zone 7, Sitio Sagrada Familia, Brgy. Penafrancia, digdi.



An lugar na saiyang pig-eerokan iyo an dating inaapod na “Isla Sison,” na midbid na tatagan kan mga pusikit na negociante nin shabu.

Base sa report, an pinagsarong grupo kan mga pulis naglansar kasoodma nin buy-bust operation na nagresulta sa pagkadakop kan suspechado.

Nakua sa poder ni Sultan an 6 na pidasong heat sealed transparent plastic sachet na may laog nin pigtutubudan na shabu, asin kantidad P2,500 na buy-bust money.

Sabi sa imbestigasyon, an nadakop na suspechado kabale sa halabang listahan nin mga pangaran kan mga tawo na nagpapabakal nin droga digdi.

Pighahanda na ngonian an kaso na isasangat kontra saiya sa jusgado.

Ginibo an buy bust operation kasubangui, poco mas o menos alas 8:40 na pinanginotan kan mga tawohan kan Police Station 3, sa Brgy. Peñafrancia.
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...