Suboot pusher, tinumba kan vigilante sa Sta. Elena

STA. ELENA, Camarines Norte, September 12, 2016 (Bicol Standard) – “PUSHER WAG TULARAN.”

Ini an nakasurat na mga tataramon kataid kan bangkay ni Jason Magdatu y Jose, alyas Gilmo Magdatu”, 35, residente kan Brgy Dona Aurora, Calaguag, Quezon.



Sabi kan mga imbestigador, sarong apod sa telephono an narecibe ninda hale sa dae nagbabistong tao, na nagsasabi na may naheling siyang gadan.

An informasyon ipinaabot sa Camarines Norte Police Provincial Office kasoodma.

Natagboan an bangkay poco mas alas 11:00 nin banggui, kan fecha 10, ngonian na bulan

An mga residentes sa lugar na ini ipinasipara sana suboot an nadangog nindang limang (5) putok nin badil, na iyong causa kan kagadanan kan victima.

Mientrastanto, an mga imbestigador may nakuang green na lighter, 4 na pidasong P100; sarong flashlight, sadit na heat-sealed na plastic sachet na may laog nin  pigtutubudan na shabu, duwang baseyo nin bala nin caliber .45 pistola, asin tulong pidasong bala para sa caliber .45.

An bangkay kan victima dinara sa Dechaves Funeraria para sa postmortem examination.

Start typing and press Enter to search