Saturday, September 24, 2016

Pusher sa Pili, isinuko an saiyang calibre .45ng badil

PILI, Camarines Sur September 24, 2016 (Bicol Standard) -- Isinuko kasoodma ni Alvin Nunez y Bedero, 38 anyos, taga San Roque, an saiyang armas na calibre .45 pistola, sa mga pulis, sa pagpatunay na preparado na siyang makitabangan sa kampanya kontra sa kriminalidad.


Si Nunez iyo an No. 9 sa listahan kan mga awtoridad digdi na suboot imbuelto sa pagbariwas nin illegal na droga.

Afuera kan calibre .45ng badil, TM Armscor, na may Serial Number 1243313, ipigturn over pa niya sa mga awtoridad an duwang magazines asin tulong mga bala para sa sinambit na badil.

Sabi kan pulis, si Nunez dati nang nagpalista sa sainda bilang surrenderer huli kan maisog na kampanya contra sa paglakop kan shabu digdi.

Dinara ni Nunez an saiyang ipigsukong badil asin mga bala kasoodma, alas 7:30 nin aga, sa hepatura kan Pili MPS.

Mientrastanto, segun sa pulis nacombensir ninda si Nunez na makipagtabangan sa gobierno sa Oplan Tokhang asin Project Double Barrel na padagos ginigibo sa banwaan na ini.
Share:

SPECIAL OFFER

SPECIAL OFFER

Featured Post

Sorsogon mayor, 2 others charged in Sandiganbayan

SORSOGON CITY 5/23/17 (Bicol Standard) -- Ombudsman Conchita Carpio-Morales has recommended the filing of criminal charges against Bu...