Monday, September 12, 2016

Punong barangay sa Cawayan, Masbate, binadil, bwenas na nakaligtas

CAWAYAN, Masbate September 12, 2016 (Bicol Standard) -- Maswerteng nakaligtas sa ciertong kagadanan si Punong Brgy. Arnold Cortes y Abonales kan Poblacion, digdi kan siya badilon nin duwang dae nabistong mga lalaki na nagsurong sa saiyang residencia, kasoodmang alas 7:30 nin banggui.

Masbate news
Masbate
Susug sa despacho kan pulis, si Cortes asin an sarong nabisto sa pangaran na Joel na taga Brgy. Mahayhay, sa banwaan na ini, pinondohan kan duwang dae bistadong lalaki na nakalunad sa color pulang motorsiklo.

Nagluluwas sa imbestigasyon na si kasuno kan lalaking naka motorsiklo an nagdulok, dangan pinuntariya si Kapitan Cortes kan darang badil.

Pirang segundo an nakalihis, kiniblit pa kan suspechado si gatilyo kan badil, na maswerteng dae nagputok, mantang nakatutok sa kaiba ni Corte.

Huli kan pangyayari, nagkaigwa nin oportunidad an kuta na mga biktima na makadulag palaog sa saindang harong.

An mga suspechado marikas na man sa saiyang pagdulag, lunad guiraray sa saindang motorsiklo pasiring sa dae madeterminaran na direksyon.

An duwang kuta na mga victima an dae man lamang nagsapo nin maski dikit na bakros sa saindang mga lawas, afuera kan pagkatakot na saindang namatean.

An mga imbestigador naheling an sarong labot sa pwertahan kan residencia kan victima hale sa badil kan mga suspechado.

Igwa pa nin nakuang sarong bala nin badil hale sa calibre .45ng revolver asin sarong kapsula nin bala, na anas dinara sa Masbate Crime Laboratory Office, sa Masbate City para gamiton na evidencia kan krimen.

Hastang pigsusurat an baretang ini, mayo pa nin nagluluwas na motibo sa pagprobar na pagbadil kan mga victima.
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...