Monday, September 26, 2016

Pinutlan sa kinabuway, binawian na sa buway

BAAO, Camarines Sur--Su lalaking pinutulan sa kinatawo ku agom ku soboot sambay niya, nagraan na ku Sabadong ramrag.


Binawian na sa buhay si Gaspar Elmo sadto Bicol Medical Center sa Naga kin sari iya dinara matapos iyang pagsasaksakon ni Victor Boaquena ku Jueves sadto Sitio Nilayuan, barangay San Francisco.

Upat na saksak su tinama ki Elmo na sabi ko mga doctor, nadanyaran su atay kadi.

Pakatapos pagsasaksakan, inubaan pa kuno ni Boaquena si Elmo ag pinutlan sa kinatawo.

Su agom ni Boaquena nakarayo man tulos kuno, sabi ku mga nag-iimbestigang pulis.

Di pa nararakop si Boaquena na pinagaanap na ngowan kan mga pulis Baao.

Mientras tanto, narakop ku mga tauhan kan Baao PNP su mag-ngod na Breboneria ku Sabadong gab-i sa usad na buy-bust operation sa barangay San Isidro.

Nakuko kanda Edmundo ag Jerly su tolong plastic sachet na agko loog na pigsusupeneran na shabu, darwang cellphone, PhP500 na marked money na ginamit sa buy-bust.

Sinabi ni Baao police Chief Insp. Dario P. Sola na ipadadara na nira sa Camarines Sur Crime Laboratory sa Naga su mga nakumpiska sadto raid.
Share:

SPECIAL OFFER

SPECIAL OFFER

Featured Post

Daet P20M garbage project quizzed

Former Mayor Tito Sarion DAET, Camarines Norte — The pile-up of uncollected garbage in this town has urged residents to revive the inqu...