For immediate hiring

For immediate hiring

Monday, September 12, 2016

Paratindang shabu sa Naga City, nagdayo na sa Calabanga

CALABANGA, Camarines Sur September 12, 2016 (Bicol Standard) -- Inarestar kan mga pulis an tulong persona sa banwaan na ini, na anas suspechado sa illegal na pagpabakal nin droga.



Base sa report ngonian na aga, an pinagsararong fuerza kan pulis naglansar nin buy-bust operation sa Zone 2, Brgy. San Roque, digdi, na nagresulta sa pagkadakop kan mga suspechadong pinangaranan na iyo sinda Jocel Calingan y Bagasbas, 34, taga San Roque, Plaridel Sanchez y Bongalto, 34, taga Brgy. Concepcion Grande, Naga City asin Michael Beltran y Milanez, 26, taga Concepcion Grande, Naga City.

Saro pang suspechado na pig bistong si Jeffrey Palomares Jr. y Gutierrez, an nakadulag sa ginibong operasyon kan pulis.

Nakua sa saindang posisyon an sari-saring mga gamit sa pagshabu, sarong sadit na sachet na plastic na may laog nin pigtutubudan na shabu, asin markadong cuarta na kantidad P500.

Afuera kaini, pig-iimbentaryo pa kan mga pulis an iba pang mga nakuang gamit, na anas may relasyon sa pagshabu, sabi sa report.

Kaibahan sa sinambit na buy-bust operation an representante kan Department of Justice, representante kan media, representante kan barangay, asin patin mga miembros kan pulis.
Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...