Thursday, September 29, 2016

'Parasirip' dinakop kan mga tanod sa Naga City

NAGA CITY September 29, 2016 (Bicol Standard)-- Maatubang nin casong pagbalga sa Anti Voyeurism Act (R.A. 9995) si Christian Cataloctocan, 20 anyos , may agom, taga Brgy. Planza, San Fernando, Camarines Sur na nadakop kan kasubanggui na naghihinirib sa nagkakarigos na babae.



Ipigreklamo si Cataloctocan ni Musetar Moso y Cabrito, 31 anyos, daraga, taga Brgy. Calauag, digdi, huli ta naheling niya ini na pigkukuanan siya nin video mantang nagkakarigos sa saindang banyo.

Sabi kan nagreklamo, mantang nag-kakarigos na siya, naheling niya ng may nag-sinag na liwanag hale sa bintana, kaya nagduda siya na igwang nag sisirip saiya.

Kan maseguro niya na igwang tawo sa bintana, tulos siyang nag-suriyaw tanganing makua an attention kan mga pag-iriba sa harong.

Nabisto si Cataloctocan na iyo an may gibo kan pambabastos saiya, kaya naghagad nin tabang kan mga tanod an victima.

Sa tabang kan mga taga barangay, dinakop an suspechado, dangan dinara sa police para paimbestigaran.

Durante kan interogasyon sa suspechado, inako tulos kaini na pigvideo talaga niya an pagkarigos kan daraga.

Alagad, marikas na nagsabi na pinara o ipigdelete na niya si nakuang pelicula.

Sa presente si Cataloctocan yaon pa sa hepatura kan pulis, mantang pighahanda an pagsangat kan caso kontra saiya.
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...