Pagkamoot: Nagmahal, nasaktan, nagbigti, sa Guinobatan

GUINOBATAN, Albay September 14, 2016 (Bicol Standard)--“Nagmahal, Nasaktan, Nagbigti.” Ini an paboritong linya kan mga tao na lamos sa labi-labing pagkamoot.


Sa banwaan na ini, sarong lalaki an nagsentencia nin kagadanan sa saiyang sadire por medyo nin pagbitay, huli sa mayong kabaeng na pagkamoot sa saiyang kasaroan.

An victima, nabistong si Alex Mosquite, 30 anyos, nakuang nakabitay an saiyang gadan na lawas sa poon nin mangga.

Ipig detalye ni Lito Mosquite, an ama kan victima, an makuring kamundoan asin mayong patod na mga hinanakit kan saiyang naaraman na si Kristina, an saiyang namomotan asin kasaroan ngonian, ka-relasyon man palan kan saiyang ngohod na tugang.

An mga informasyon mapadapit sa saiyang pagpatiwakal nasasambit sa “suicide notes” na ipig-save sa saiyang cellphone.

Si Mosquite taga P-5, Brgy. Maguiron, sa banwaan na ini.

Mientrastanto, sa dagdag na paglinaw kan mga informasyon dapit sa gadan, an tunay na mitsa kaya tinapos ni Alex an saiyang ma-color na buhay iyo an makulog na katotohanan na an saiyang carnal na ngohod na tugang an saiyang karibal.

An tugang nagtatrabaho duman sa Manila ngonian.

Mayo pang ipinaluwas na pahayag hale sa saiyang kasaroan sa oras na sinusurat an baretan ini.

Start typing and press Enter to search